Markmiðið með Setrinu er að veita stafrænum flökkurum, einyrkjum og öðrum sem stunda fjarvinnu frá Egilsstöðum hvetjandi og eflandi samastað. Setrið er ætlað fólki með fjölbreyttan bakgrunn og fagsvið. Á Setrinu gefst færi á að víkka sjóndeildarhringinn með fyrirlestrum, skipulögðum umræðum, tillögum að lesefni og hlaðvörpum.

Nú þegar eru meðlimir orðnir fimm og saman vinnum við að því að búa til aðstöðu fyrir enn fleiri, stað þar sem við bjóðum öll velkomin til samtals og samvinnu. 

Setrið veitir fólki og fyrirtækjum rými til að vaxa - verið hjartanlega velkomin á Setrið!

Við opnum 1. nóvember á Fagradalsbraut 11A!